Maligayang Pasko!

Time Check: 12:31 PM


Tuesday. Christmas Day.


Oh! Nagulat kayo no?! Sobrang tagal na pala ng last post ko dito. Wala eh. Busy. You know. Taping and all.


Haha!


Sa totoo lang, 'di naman ako naging busy talaga. Tinamad lang. Minsan gusto ko talaga gumawa ng entry, kaso wala talaga mga thoughts na maganda na pumapasok sa isip ko bukod sa alak at kamanyakan.


At mismong araw ng pasko pa talaga ako nagkagana na gumawa ng entry? Haha. Ganito kasi yan. Eh pasko nga, daming bata sa labas. Andito ako sa kwarto. Naglalaro kami. Hide and Seek. Eh sila ang taya. Hide ako ng hide. 'Pag nahanap nila ko, may aginaldo sila. Eh magaling ako magtago. Haha. Mamumulubi ako sa dami nila.


Noong mga nakaraang araw, may mga nakita nga akong post sa FB ng ilang friends ko na nagre-require sa mga inaanak nila na dapat dala ang kani-kanilang Birth Certificate/Baptismal Certificate, katunayan ng kanilang pagni-ninong/ninang sa mga inaanak nila sa daratiing na Pasko. Sobrang rude naman ata yun. 'Di makatao. Ako simple lang naman hinihingi ko. Picture lang nung mismong binyag sa simbahan na hawak ko sila. At dalawang valid I.D...


Madaming years ago, isa din ako sa mga batang sobrang excited sa pasko. Every year, dapat bago damit at shoes ko. Maporma. At ginagawa ko talagang parang kumikitang-kabuhayan ang kapaskuhan dahil sinisiguro ko na makakarami ako ng mapapamaskuhan, 'di lang sa mga ninong at ninang ko, kundi kasama na mga tito at tita, mga kapitbahay, etc.. At mas ina-appreciate ko ang monetary gifts kesa sa mga gifts na nakabalot. Oo. Bata pa lang, mukha na akong pera. Haha.


Ngayong medyo nagkaedad na'ko ng konte, 'di na'ko masyado excited sa pasko. Kapag naiisip ko ang Pasko, ang unang pumapasok sa isip ko ay... <drum roll> ... GASTOS! Ni wala nga ako masyado nabili para sa sarili ko eh. Dalawang pairs lang ng shoes. Hay...


Bigay na lang natin sa mga bata ang Pasko. Tutal, para sa kanila naman talaga yan eh.


Dahil diyan, lalabas na'ko.


Ready na mga malulutong kong tigti-20 pesos. Haha.


Merry Christmas Everyone!!!


Ah Yeah!


P.S.: Nadisappoint ako na hindi natuloy ang doomsday noong December 21, 2012. Naglinis pa naman ako ng kwarto ko. Akala ko pa naman, sasakupin na tayo ng mga Aliens. Nakakahiya naman sa kanila, pinaglinis ko pa naman ng kwarto. Buset.

Awkward

Time Check: 7:36 PM


Friday.


Hey guys! Off ko today, walang happenings tonight, bahay lang. Kaya naman, magdamag na naman ako nito sa harap ng kompyuter! Oha.


Sensya na kung "awkward" ang topic. Wala ako maisip i-blog e. ;))


Nung ni-google ko meaning niya, eto unang lumabas sa search results:

awk·ward/ˈôkwərd/

Adjective:

Causing difficulty; hard to do or deal with: "one of the most awkward jobs is painting a ceiling"; "some awkward questions". Deliberately unreasonable or uncooperative: "you're being damned awkward!".

Parang 'di swak. Siguro depende lang sa gamit. Pero mas nagagamit or mas angkop na depinisyon ng awkward para sa'ken siguro ay "uncomfortable".


Awkward Moment = Uncomfortable Situation


Tama? Tomo!


Napaisip tuloy ako ng mga "akward moments/situations" na palagay ko ay minsan ng naranasan ng karamihan sa atin. Yung tipong 'di mo alam kung ano gagawin mo. Kung pwede lang magteleport or mawala ng parang bula. Hehe.


Here are some of them...


1. Ikaw at ang workmate mo, pinagchi-chismisan, nilalait-lait, niruruyakan ang pagkatao, ng isa niyo pang opismate. Sige hagalpak sa tawa. Tapos, mamamalayan mo na lang na nasa likod niyo na pala siya! - - - Haha. AWKWARD!

2. Dahil walang tao sa bahay, Ikaw at ang BF/GF mo ay nasa sala at naghahalikan. Kuntodo sipsip dila at gums. Walang anu-ano ay bumukas ang pinto at huli kayo sa akto ni Inay! - - - Haha. AWKWARD!

3. Sa gitna ng isang seminar, tahimik ang lahat na nakikinig sa dinadakdak ng speaker/host. Walang anu-ano ay biglang nakareceive ka ng text sa iyong 3310 na naka ASCENDING ang message tone at naka-level 5 ang volume. Lahat sila nakatingin na sa'yo! - - - Haha. AWKWARD!

4.  Reunion niyong magkakabarkada. Napagkasunduang kumain sa labas. Dumating sila, lahat may kapartner. Ikaw lang ang wala. Ayos lang nung una. Tapos, dumating si <insert name here>. Parang pamilyar yung BF/GF niya. Tapos naalala mo na naka-one night stand mo pala siya dati! At ayun, nung pinakilala sa'yo, 'di mo matignan sa mata! - - - Haha. AWKWARD!

5. Mula sa malayo, palihim mong sinisilipan sinusulyapan si CRUSH. Kung ano-ano ng kamanyakan ang pumapasok sa isip mo. Nang mapadako ang tingin niya sa'yo, bigla siya kumaway, naglakad papalapit. Nung malapit na malapit na lang siya, sabi, "Uy, kumusta ka na?".. Sumagot ka, "Ok lang...Ikaw?"... Pero lumampas siya sayo, at doon mo lang napagtanto na 'di pala ikaw ang kausap kundi yung nasa likod mo! - - - Haha. AWKWARD!

6.  Male-late ka na papunta sa work. Kulang na lang ay takbuhin mo ang terminal ng jeep. Pagdating mo doon, jackpot. Isa na lang at aalis na sabi ng barker. Edi sumakay ka. Ganyan. Umandar ang jeep. Tsaka mo lang napansin na nakaupo sa tapat mo ang EX mo na matindi ang galit sa'yo dahil niloko mo siya dati. Eh 30 minutes ang biyahe! - - - Haha. AWKWARD!

7. May bago kang damit. Lahat ng nakakita, pinuri ka. Bagay daw sa'yo. Lalo ka gumwapo/gumanda. Tapos, nung uwian na, may nakasakay ka sa jeep, same color, same design nung damit niyo. Sa sobrang kamalasan, kapareho mo pa ng hairstyle! - - - Haha. AWKWARD!

8. Kumusta naman 'yung may biglang lumapit sa'yo na magandang chicks, litaw cleavage, at nagtanong ng directions kung saan ang ganito/ganyan. Siya nakatingin sa mukha mo, pero ikaw 'di mo alam kung sa mukha ba niya or cleavage ka titingin! - - - Haha. AWKWARD!

9. Yung masungit mong Teacher and/or Boss, sinesermunan ka. 'Di ka makapagconcentrate dahil napansin mong may nakalabas siyang kulangot sa ilong! - - - Haha. AWKWARD!

10. Yung moment na naglalakad ka, tapos may makakasalubong ka. Siyempre iiwas ka. Kung saan ka umiwas, dun din siya pupunta. 2-3 times siguro bago kayo magbibigayan ng daan. - - - Haha. AWKWARD!


Ayun. 10 na lang muna. Hehe.


Heto nakwento ko na dati, uulitin ko lang sa iba na 'di pa nabasa iyon.


Pagsakay ko ng jeep, konti pa lang pasahero. Siguro, mga lima or anim pa lang nakasakay. Syempre, pag-upo e bayad agad ako. 17php ang pamasahe. Nagbayad ako ng 50php. Di ako agad sinuklian ng driver so nawala sa isip ko na may sukli pa pala ako. So ayun, bumiyahe na ang jeep and pumik-up ng pasahero sa daan. Edi dumami na kami. Pwesto ko e bandang likod ng driver. Tapos may iniaabot siya, sukli daw ng 50php.

Ako: Sukli daw po ng 50php.

Walang kumikibo. Nilakasan ko.

Ako: SUKLI DAW PO NG 50php!!!

Wala uli kumikibo.

Ako: Manong, wala daw may sukli!

Akmang iaabot ko na uli sa driver...

Driver: Magkano pera mong binayad kanina?



Haha. AWKWARD! Akin pala yun. Tangina!


_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _


Ikaw, for sure meron ka rin! Share mo naman!!! Hehe.


Ah yeah!

So Sick

Time Check: 10:48 AM


Tuesday.


Apat na araw na akong comatose. Kain, tulog, hilata lang. Naubos tuloy SL ko. Madalang lang ako magkasakit, pero kapag tinamaan, para akong mamamatay na. Sabay-sabay na ubo, sipon, lagnat, tonsilitis, panlalambot ng katawan, sakit ng ulo. Trangkaso. Nyeta! For sure, iniisip nyan sa work na gawa-gawa ko lang ang sakit ko na'to. Na wala naman talaga akong sakit at tinatamad lang ako pumasok. Pakyu ol bitches! Maysakit talaga 'ko! God knows!


Kapag maysakit, kadalasan e mapait ang panlasa mo or wala ka at all panlasa. Wala ako panlasa. So nakakatipid kami lately sa bigas at ulam dahil di ako masyado nagkakakain. For sure, gusto ng mga nasa bahay na mag-extend ang sakit ko para mas makatipid kami lalo.


Napansin ko lang din na sobra sa karaniwan ang tulog ng isang tao kapag may sakit. Tulad ko, magdamag ng tulog, may kasama pang idlip sa umaga at power nap sa hapon. Or baka bumabawi lang din ang katawan ko sa tulog dahil nitong mga nakaraang buwan e ginagawa ko lang "past time" ang pagtulog. Past time dahil halos natutulog lang ako kapag may extrang time, the whole time e gising dahil sa mga walang kakwenta-kwentang bagay.


Dahil tambay sa bahay ng ilang araw at wala ako masyado movies na na-download recently na pwede panoorin, Youtube ang pinagkaabalahan ko. 90% ata ng pinapanood ko lately e tungkol sa mga aliens, UFO, end of the world, universe, ganyan. Leche! Napapraning lang siguro ako dahil malapit na December 21, 2012. Pero seriously, I strongly advise you people not to watch too much of those alien shits, documentaries about UFO's and our Universe, our Origins at kung anu-ano pang shit about Science. Kumo-contradict sa faith ko e. Nakaka-atheist! Kaya today, nagdecide ako na iba papanoorin ko. Tom & Jerry naman. Tsaka Adventure Time! Hehe.


Mamaya, pupunta ako sa doctor. Hindi ako papatingin dahil na-diagnose ko na din naman sarili ko at umiinom na'ko ng gamot. The reason is, hihingi lang ako ng medcert (medical certificate), katunayan na kaya hindi ako pumasok sa work ay dahil sa imbento kong sakit. Oha. Hindi kasi i-aapprove sa work mga SL ko kung walang katunayan mula sa mga nasusuhulang doctor na nagkasakit talaga 'ko.


Naisip ko lang. Kung sa albularyo ako pupunta at sa kanya ako hihingi ng medcert, i-aapprove kaya SL ko sa work?


Ah yeah!